Trajneri i Barcelonës, Josep Guardiola, beson se ekipi i tij mund ta fitojë çdo ndeshje nëse luan lojën e vet argëtuese, si dhe ka mbrojtur sistemin rrotullues i cili disa herë është kritikuar.
“Nëse luajmë mirë dhe e bazojmë lojën tonë në një futboll të mirë dhe shënojmë gola, atëherë tifozët do të jetë në lumtur. Mendoj se ata janë të kënaqur me mënyrën se si ne kemi luajtur”, ka thënë Guardiola.
“Ne i bëjmë gjërat të cilat i bisedojmë, me plot dëshirë, dhe duke e bërë këtë mund ta fitojmë çdo ndeshje. Në momentet e vështira duhet të kemi një ekuilibrim në mes të sulmit dhe mbrojtjes. Kjo do të jetë mënyra se si do të mund ta mposhtim Valencian, Sevillan dhe Villarrealin, të cilët janë mbi ne në tabelë”, shton trajneri i ri i klubit spanjoll.
Fri Oct 31, 2008 1:24 pm