Quaresma: Ronaldo e meriton "Topin e Artë"

Transferi i ri i Interit Ricardo Quaresma beson se Cristiano Ronaldo duhet ta fitojë "Topin e Artë", sepse e meriton atë.

Quaresma ka shprehur bindjen që bashkëkombësi i tij Ronaldo është njeriu që më së shumti e meriton ta fitojë “Ballon d’Or” këtë vit, ndërsa ka shprehur edhe ambiciet që dikur ta fitojë edhe vetë.

“Mendoj se Cristiano Ronaldo duhet ta fitojë ‘Topin e Artë’ sepse është një lojtar i madh. Ai ka punuar shumë për të arritur aty ku është, dhe unë do të kisha dashur ta bëj të njëjtën gjë, dhe shpresoj që një ditë edhe unë ta fitoj këtë titull”, ka thënë anësori portugez.