Plani prej 700 miliardë dollarësh i qeverisë amerikane është kundërshtuar nga Dhoma e Përfaqësuesve

Plani prej 700 miliardë dollarësh i qeverisë amerikane është kundërshtuar nga Dhoma e Përfaqësuesve. Po ashtu edhe reagimi i Shtëpisë së Bardhë ka qenë i menjëhershëm, e cila ka deklaruar se ka mbetur shume e zhgënjyer nga vendimi i Dhomës. “Vendi po përballet me një krizë të vështirë që ka nevojë të menaxhohet”, ka deklaruar administrata e Bushit. Sipas burimeve nga Shtëpia e Bardhe, presidenti i SHBA-së do të takohet me një grup ekonomistësh për të caktuar hapat e ardhshëm që do të ndërmerren dhe do të kontaktojë edhe me liderët e Kongresit. Sekretari amerikan i Thesarit, Henry Paulson, ka thënë se tash urgjentisht nevojitet një paketë e re shpëtimi për të zgjidhur krizën financiare në SHBA.