Shqipëria shpreson që Malajzia ta njohë pavarësinë e Kosovës

Shqipëria shpreson që Malajzia do ta pranojë dhe do ta njohë pavarësinë e Republikës së Kosovës, pasi që kjo do t'i shërbente paqes dhe stabilitetit në Ballkan, ka deklaruar zv/ministrja e Punëve të Jashtme të Shqipërisë Edit Harxhi. Ajo ka theksuar se rajoni i Ballkanit ka vuajtur shumë nga konfliktet dhe se tani është koha të harrohet e kaluara dhe të hapet një kapitull i ri.
"Unë u sigurova nga qeveria e Malajzisë se janë duke e shqyrtuar njohjen e Kosovës si shtet i pavarur. Duke e njohur e pavarësinë e Kosovës do të ndihmohet stabilteti i tërë rajonit", është shprehur diplomatja shqiptare, njofton Bernama.
Edit Harxhi ndodhet në një vizitë në Malajzi, ku me autoritetet e atjeshme ka biseduar për marrëdhëniet bilaterale dhe tregtare mes dy vendeve.
| s.b & RTK staff |