Boks, Xhonson, rivali i Muriqit

Elvir Muriqi pritet të rikthehet shumë shpejt në ring dhe kundërshtari i tij, sipas të gjitha gjasave, do të jetë legjendari Glen Xhonson.

Sfida ndërmjet tyre mund të zhvillohet në muajin dhjetor të këtij viti, ose në janar 2009.

Kjo është konfirmuar edhe nga promotori i “Kosovo Kid”, Xho DeGuardia, në mbrëmjen e “Star Boxing” që u zhvillua në Nju Jork, ku greku Majk Arnoutis fitoi përballë ganezit Ben Ankrah me vendim unanim të gjyqtarëve pas dhjetë raundeve.

“DeGuardia nuk fshehu asgjë në këtë takim shumë frytdhënës dhe më tregoi se ka filluar bisedimet me ish-kampionin e botës, legjendarin Glen Xhonson”, pohoi Muriqi për “AlbanianBoxing.com”.

Sfida me Xhonson, i cili renditet i gjashti në versionin IBF (ndërsa Muriqi i 13-ti), vjen pas refuzimit të Klinton Uds, i cili u tërhoq nga dueli me shqiptarin.