Dashuria !!!

Kur më largoi shefi nga puna që bëja plotë pesë vjet, unë isha i demoralizuar tej mase. Mendoja se ishte bërë kiameti dhe se nuk do të gjej një punë të atillë, si ajo që kisha gjatë këtyre viteve, si nëpunës në një administratë të firmës së atij horri. Disa nga miqtë më thoshin se unë kam kapacitete më shumë se sa ai vend i punës dhe se nuk duhej të dorëzohesha aq lehtë, por duhej të kërkoja një punë, besa edhe më prestigjioze.
Pas ca muajsh, mblodha vetën dhe fillova të shikoja konkurset nëpër gazetat e përditshme. Një ditë, në të përditshmen “Lajm” gjeta një konkurs ku kërkohej një menaxher për administrimin e një ndërmarrjeje me nam në Prishtinë. Vendosa të konkurroj, edhe pse isha skeptik që do të më vjen radha mua të ulem në atë karrige, nga një vend rural, të cilin e ka harruar edhe zoti.