Një qen për mik? Ja 10-të, më rrëmujaxhinjtë

Objekte
të shkatërruara dhe dëmshpërblim ndaj të tretëve në një total prej 785
euro. Me këtë performancë qeni chihuahua klasifikohet i dyti në listën
e dhjetë qenve më shkatërrimtarë, pas qenit danez, për të cilin
shpenzohen 38 euro më shumë. Kërkimi u bë nga një kompani sigurimesh
britanike, e cila ka pyetur klientët e vet se sa shpenzojnë për të
zhdëmtuar dëmet që shkaktojnë qentë e tyre.
Mes
qenve më të padisiplinuar, medaljen e bronztë e meriton qeni i njohur
me emrin mastino. Më pas, listën e rrëmujaxhinjve që kushtojnë para për
padronët e pasojnë qentë bassethound, levriero, setter anglezë,
bulldog, këmbëshkurtrit, boxer dhe beagle. Pas renditjes, në bazë të
kërkimit të bërë u mundësua edhe klasifikimi i qenve më të qetë, për të
cilët nuk munguan surprizat. Qeni më i mirë e më i urtë nga të gjithë
është ai i rracës carlino, gjithmonë shumë i bindur. Në vendin e dytë
të më të mirëve është renditur San Bernardo, një qen shumë i dashur.

Gazeta: Shekulli